《此处不留人 自有留人处 浅谈巴舒亚伊在林伯特手中的前境》

《原创文章 欢迎转载 请列明出处 谢谢》-请支持蓝狮 Facebook专页- express.co.uk 巴舒亚伊,自今季车路士季前热身赛后一直失蹤的名字,直到上场对诺域治既联赛中由于柏度热身时受伤,抽调巴克利打正选之下先至腾空到一个后备位置比佢,当然最终亦都无上到场,意味着开季至今四场赛事依然一场波都未踢过,何解季前热身赛时巴舒亚伊得到唔少机会,反而依加正式开咧后会有咁大落差?一齐探讨一下。比利时人自黎到伦敦后可以话一直都困难重重,加盟第一季虽然经已获得英超冠军,不过上阵机会并唔多,主要担任迪亚高哥斯达既后备,收咧后西班牙人与干地闹翻,而随即换来既係由皇马来投既莫拉达,虽然黎到第二季巴舒亚伊既上阵时间係有显注提升,不过交出既成绩依然唔能够竞逐长期正选一席位,始终未能适应干地所打既战术,而意大利人亦未有协助巴舒亚伊既场上发挥,最终喺季中球会就将佢借到当时缺少前锋多蒙特半季。而睇番哩几季比利时人既外借表现,的确地喺多蒙特既发挥係最为亮眼,长期坐稳正选之下一共为「蜜蜂军团」上阵踢左十四场波攻入左九球,而多蒙特亦有意续借什至传出肯比转会费买断,却遭到车路士一口拒绝,如果当日巴舒亚伊留低喺德甲的话好大可能唔洗搞到今时今日咁既境地。而随后蓝军亦未有将佢收归自用,先后外借到华伦西亚及水晶宫,最终今季先至回归史丹福桥。而喺季前热身赛,巴舒亚伊所得到既机会都唔少,不过睇比利时人即使面对既对手级数较弱,但佢都依然唔太识得运用自己既身体优势,好多时都「盲冲式」撞向对手,缺乏持球过人能力底下引致多次弄失控球权,巴舒亚伊既强项较为着重于禁区内既射门能力,但在于禁区外既所有前锋特质就真係非常之一般般,相当单一性同「鸡肋」,而无论干地定係依加既林伯特都未有为佢度身订造一套适合佢打既配置,单係以反击作战术蓝图的话实在难助哩位比利时前锋发挥。而喺一啲球队核心问题既前题底下亦未必会尝试用双前锋作主要阵式,人选上虽然队中三位前锋都有各自自身缺憾,不过基奥特战术效果明显,而艾巴咸能力上唔高但总算全面过巴舒亚伊,所以比利时人喺林伯特心目中既排序亦会放到最后位置,后者近日回应有关外界对巴舒亚伊既前境时,认为球员埋门能力係依加球队正正所缺少既野,似乎林伯特未必会喺其他联赛转会窗关闭前将佢放走。个人认为既然都花左好几季时间,倒不如实实在在地比巴舒亚伊喺车路士打埋哩一季,如果表现都依旧未如理想的话,下季就切实地将佢卖走,总好过一直外借每半季转换一个环境,对球员黎讲都绝对唔係一件好事。文章发表时间 : 27/08/2019 12:00文章最后更新时间 : 27/08/2019 12:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持